حكايه أيمان
تعريف بشخصيات القصه
ايمان: بنوته جميله تعيش فى مجمتع ذكورى فهى اخت لولدين
وكل جيرانها الخمس عندهم اولاد فى مثل عمرها اخواها هم محمد
واحمد وجيرانها الخمس طارق واحمد واشرف وماجد و هانى
وكلهم فى نفس اعمارها ولكن احمد اخوها اكبر منها ومحمد واصغر
منها وكلهم يقطنون فى كمنطقه تابعه لمصنع كبير وكان والدها
مدير قطاع فى تلك الشركه وباقي اباء الاولاد ايضا يعملون فى الشركه
فى مناصب مختلفه كانت دائما ما تلعب معهم وهم صغار يلعبون دائما
سويا يذهبون الى النادى معا فكانوا الست عباره عن كيان واحد
يلعبون ويمرحون وكانت فى المدرسه مختلطه فكانت كل بنت تجلس
جنب ولد وهذا كان فى الابتدائي فكانت معتاده على ذلك وكانت لا
تحب البنات وكانت تكررهم لان اصدقائها الولاد بيقولوا عليهم انهم
تافهيين ومش ليهم لازمه غير النم والكلام وخلاص واقتنعت هى بالفكره
دى من وهى صغيره فرفضت رفض تام لبس فستان او جيب وبلوزه دائما
ما كانت ترتدى الجينز والتي شيرت حتى لا يتريأ عليها اى من
اصدقائها وغلبت والدتها فى افهامها انها بنت وانهم ولاد وهم بيلبسوا
كده لكن انت لازم تلبسي كده بس اللى فى دماغها فى دماغها
وكانت ايمى واصدقائها تقريبا متربيين سوا كانوا دائما ما يلعبوا
فى الحديقه المجاوره للعماره التى يقطنون بها وكانوا فى رمضان لهم
يوم يتجمعوا فيه وياكلوا بره فى الجنينه حتى اشرف وماجد على
الرغم انهم كانوا مسيحيون كانوا يحبون بعض جدا جدا
كبروا وراحوا اللحضانه مع بعض وخرجوا من الحضانه راحوا اللابتدائي
مع بعض في نفس منطقتهم وكبروا وراحوا اعدادى مع بعض ولكن
الامور لم تصبح كما كانت فكان الامر فى اعدادى مختلف فى كل
شئ عندما علمت ان للمدرسه زى معين وهو الجيب للبنات و بنطلونات
للاولاد فعلمت انها لابد ان ترتدى جيب ولكن كيف وماذا سيكون
موقفها علمت ان فى اعدادى يختلف الامر فانها لابد من ان
تجلس في صف كله بنات ولكن كيف وهى لم تتعود على ذلك ؟؟؟؟
قبل المدرسه بكام يوم جلست تبكى وتبكى وعندما راتها والدتها
أم ايمي : انتى بتعيطى ؟؟؟ بتعيطى ليه بس ؟؟؟
ايمى : اصل المدرسه قربت
أم ايمي : طب مانتى كنتى بتبقي فرحانه بالمدرسه ايه اللى مضايقك
منها ؟؟؟؟
ايمي : مش عايزه البس جيبه واروح بيها المدرسه
أم ايمى تضحك: هو ده اللى مضايقك قوى ؟؟؟
ايمي : انا قت برضه انك هتضحكى على ؟؟
أم ايمي : يا حبيبتى ده الطبيعي انتى بنت ولازم تلبسي جيب
يعنى انا غلطانه انى كنت بسيبك على راحتك ومش بضايقك فى اختيار
لبسك ؟؟؟
ايمى : ياريتك كنتى عملتى كده من اوانا صغيره قوى بس دلوقتى
هيكون موقفي ايه قدام اشرف وهانى وماجد واحمد وطارق ؟؟؟؟؟
أم ايمي تضحك مجددا : موقفك مره واحده عادى ماهم عارفين انك
بنت وده العادى
ايمى : انتى مش فاهمه حاجه يا ماما هيتريأوا على ومش هيسبونى
انا مش هروح المدرسه انا مش عايزه اروح المدرسه ابدا
ففكرت قليلا أم ايمى البنت كده نفسيتها ممكن تتعب وتكره
المدرسه لازم الاقي حل بسرعه وقالت
أم ايمى : واللى يجبلك الحل تعملى ايه ؟؟؟
ايمي : بجد ياريت يا ماما ياريت انا بحبك قوى بس هو ينفع
البس بنطلون
ام ايمي : هو مش هينفع تلبسي بنطلون بس ممكن نعمل جيب
بنطلون يعنى بنطلون بس واسع شويه كده محدش هيقدر يقولك حاجه
ولا ايه رايك ؟؟
فكرت ايمي قليلا وقالت المهم انى مش البس جيبه قصيره ده المهم
ايمي : حل ممتاز يا ماما انا بحبك قوى
وبدأت ام ايمى فى تجهيز ما تطلبه منها بنتها
وبعد ايام جاء اول يوم للمدرسه وانتظر كل من اشرف وماجد
وهانى وطارق واحمد ان تنزل ايمي ويروها لاول مره بالجيبه
وطبعا الكل كان مستعد لان يتريأ بشكل او باخر ولكن ظهرت ايمى
وكانت مفاجأه لهم فلم يكونوا شافوا حد قبل كده لابس جيب بنطلون
على بنت قبل كده ولانهم كانوا مستغربين محدش قال اى حاجه
على شكلها باللبس الجديد عليهم وعليها ولكنها كانت حاسه انها مميزه
ومش عارفه ليه
ذهبوا الى المدرسه وهناك فوجئت انها فى فصل كله بنات وكلهم
بالنسبه لها بنات غلسه وكانت مضايقه واختارت تقعد فى اخر ديسك
علشان تبقي لوحدها ومحدش يقعد جنبها وفرحت جدا لما عرفت ان
محدش هيقعد جنبها ولكن بعد ان بدأت الحصه الاولى وجدت ان هناك
بنت كانت رايحه فصل غلط ورجعت لفصلها وكان المكان الوحيد المتبقي
هو اللى جنب ايمي وبعد انتهاء اول حصه سالت شيماء ايمى
شيماء : انتى اسمك ايه ؟
ايمي : ايمان
شيماء : انا شيماء انا فرحانه جدا ان المدرسه بدأت اخيرا الاجازه
كانت ممله جدا انتى سافرتى فى الاجازه
ايمي : لا
شيماء : انا بقي سافرت فاقوس وقعدت هناك شهر كامل وبعدين
جيت هنا شهر وكان كله ملل وسافرنا اسكندريه اسبوع تبع مصيف
الشركه بس كان رائع انتم مش رحتوا مصيف السنه دى ؟؟؟؟
ايمى هى راحت مصيف وسافرت بس مكنتش عايزه تفتح حوار معاها
وكانت بتحاول تقتصر علشان تفهم شيماء انها مش عايز ه تتكلم
ايمى : لا
بدأت الحصه التانيه وفرحت ايمى ان اخيرا شيماء هتخرس شويه
ولكنها كانت تتحدث وتتريأ على المدرسه وايمي خلاص هتتجنن
ومش معبراها
شيماء : ايه يا بنتى مش بتردى على ليه مش سمعانى
ايمي : لا سمعاكى بس ان امش بحب اتكلم فى الحصه
شيماء : اهه طب ما كنتى تقولى كده المهم شعري اتبهدل ولا لسه
؟؟؟
ايمي : تنظر اليها لا كويس
ودخلت الحصه التالته وخلصت وسيماء لسه بتتكلم وفى الاخر انتهت
الحصه التالته وطيران خرجت ايمي من الفصل لانها كانت الفسحه
بعد كده راحت لاصدقائها وجيرانها ووقفت معهم وتكلموا وتحدثوا
وازاى انها مش طايقه الفصل والبت اللى جنبها رغايه ووووووطبعا الولاد
كانوا فرحانيين و مستمتعين لكلامها فهم لم يتحدثوا مع بنت ومش
عارفين اهتمامتهم ايه ؟؟؟؟؟؟
ولكن فى الجانب الاخر كان هناك مجموعه بنات ومن ضمنهم شيماء
ولاء : البنت اللى اسمها ايمي شوفي سايبانا وواقفه مع الولاد ولا هممها
حاجه
مها : انتى كنتى قاعده جانبها يا شيماء اخبارها ايه البنت دى من
زمان وانا بشوفها مع الولاد دول بس عمرى ما كلمتها قبل كده
شيماء : هو انا كنت بكلمها بس كانت بترد بالعافيه وواضح انها
مستغلسانى
مها : بس انتى لازم تنصحيها ان شكلها كده وحش والبنات هيتكلموا عليها
لو فضلت كده وهيبقي شكلها وحش قوى
شيماء : لا انا مليش دعوه انا بفكر ابدل مع حد تانى وحد يجي
يقعد جنبها دى ممكن تشبهنى معاها كده
انتهت الفسحه وذهب كل واحد منهم لفصله
قبل ان تدخل مدرسه الحصه الرابعه
شيماء : بصي يا ايمان ممكن اقولك حاجه بس اوعدينى انك مش
هتزعلى منى ؟؟؟
ايمان : قولى ؟؟؟
شيماء : لا اوعدينى الاول؟؟؟
ايمان : اوعدك
شيماء : بصي انا كنت عايزه اقولك ان البنات كده ممكن يتكلموا
عليكى لانك واقفه مع الولاد وهيبقي شكلك وحش قوى وومكن يقولوا
كلام وحش عنك
ايمان لسه هتتكلم تدخل مدرسه الحصه الرابعه وكانت هتتجنن علشان ترد
على شيماء بس دخول المدرسه انقذ شيماء من كلام كبير كانت هتقوله
ايمان لها وبعد انتهاء الحصه كانت ايمان هديت وردت على شيماء
ايمان : بصي اولا دول مش مجرد اولاد دول اخواتى ساكنين معايا
فى نفس العماره ومش عارفه اعرفك ان في منهم اخواتى بالرضاعه واللى
مش تعرفيه كمان انى متربيه معاهم حتى اشرف وماجد واتمنى انك
مش تجيبي سيره الموضوع ده تانى
وسكتت شيماء لحد ما انتهى اليوم
وبعد ما انتهى اول يوم دراسي اجتمعوا الاولاد واستنوا ايمى لما
تخرج ومشيوا سويا وبرضه البنات كانوا بيتكلموا عنها و اتكلمت ايمي
وقالتلهم عن اللى حصل من شيماء واللى قالته ليها والولاد كان
تعليقهم سيبك منهم دول بنات تافهيين ووصلوا البيت ولكن طارق اول
ما وصل البيت اتصل باحمد وقاله انت ايه رايك فى كلام شيماء اللى
قالته لايمي ؟؟؟؟؟
احمد : هم للاسف عندهم حق بس هم مش يعرفونا ولا يعرفوا انها
زى اختنا واننا متربين سوا وانا فى حكم اخوها
طارق : مش عارف انا خايف نقولها كده تزعل مننا وانت عارف زعل
ايمي بياخد اكتر من اسبوعين
طب سيبها الان ونبقي نشوف ايه اللى ممكن يحصل مرت الايام وايمي
بدأت تستمتع باحاديث شيماء فكان الكلام بتاعها كله نم على باقي
البنات فى الفصل وفلانه قالت وفلانه عادت وكل ما تقوله كان بيقال
بالتفصيل للولاد وكانوا منتبهين جدا لما تقول واحسست ايمي بحاجه
غريبه انها كده بقت زيها بتنم بس للاولاد وده غلط وبدأت تحس انها
مختلفه عنهم وانها فعلا بنت وقررت فى نفسها انها مش هتقول
تانى اللى بتقوله شيماء ليهم وبدأت تتحدث مع شيماء عن الاولاد وازاى
هم اخواتها ومتربيين سوا وووو الى اخره ونقلت كلام ايمي الى
اصدقائها البنات فتجمعوا البنات حول ايمي فهى تعرف هؤلاء الولاد
وكانوا عاييزين يعرفوا منها برضه الاولاد فكرهم ازاى ومن زمان واهلهم
بيقلولهم لا مش تلعبوا مع الولاد وبالتالى مش يعرفوا عنهم حاجه واتسعت
دائره معارف ايمي من البنات وبدأت مش تقف مع الولاد فى الفسحه
وكانت بس بتروح معاهم وبتيجي معاهم الصبح وعدت الايام وجت
اجازه نص السنه وفكانت اتصالتها مع شيماء ومها ورشا وقلت اتصالها
بالولاد ولكنهم هم من كانوا يسالون عنها دائما وبدلت الالعاب اللى كانت
بتلعبها معاهم فى النادى من كارتيه وسباحه والعاب قوى الى كره سرعه
وكره طايره وكره طاوله
وبدأ الجزء التانى من الدراسه وخلص وكانت ايمي تزداد بعدا عن
الولاد وتقرب اكتر من عالم البنات وانتهت السنه الاولى ومرت
الاجازه بدون ان تنزل مع الاولاد ولكنها اختلفت تماما فبدأت تهتم
بلبسها وبدأت تلبس مثل البنات و تغيرت كليا وبدأ يظهر جمالها
وانوثتها وبدأت تتحدث مثل البنات برقه ونعومه حتى انها بدأت تذهب
الى نادى المواهب وتدرس فنون الاتيكيت وفى العام التانى ترقي
والد ايمي وانتقل من العماره الى عماره اخرى بها الشقه اوسع
ومنطقه افضل بكثير ولكنها كانت حزينه جدا للنقل هذا لانها ستترك
اعز اصدقائها واخواتها وبعد اسبوع من ان تركت مسكنها القديم
مع اصدقائها الا انهم كانوا يتصلون بها دائما وفى يوم من الايام
اتصل بها طارق
طارق : ايه يا بنتى من ساعه ما نقلتى لا حس ولا خبر وفى المدرسه
انتى منعانا اننا ننكلمك خير في ايه ؟؟؟؟
ايمى: لا والله عادى ثم انا لسه متصله اول امبارح باحمد واطمنت عليكم
واحد واحد
طارق : احمد ولا قالى انك اتصلتى ولا حاجه
ايمي : والله اتصلت واساله
طارق : بس ده مش يمنع انك تتصلي بي وتطمنى على المهم
ايمي : طيب يا سيدى ايه المهم ؟؟؟
طارق : كنت عايزه اكلمك فى حاجه كده بس مش هينفع اقولك عليها
دلوقتى لان ماما عايزه التليفون ؟؟؟؟؟
ايمي :طب خلاص خليها بكره ابقي اتصل بيك بعد المدرسه
طارق : لا انا هوصلك بكره للبيت بعد المدرسه
ايمي : لالالالا مش هينفع
طارق : ليه ؟؟؟
ايمي : طب جيب احمد معاك والا مش هينفع
طارق : بصراحه الموضوع ده مش هينفع اقوله لحد غيرك انتى
ومحدش يعرف عنه حاجه ...حاضر يا ماما ثوانى
انا مضطر اقفل بكره بعد المدرسه سلام
ايمى : طب استنى طب ........... سلام
ايمى : يا ترى طارق عايز ايه منى؟؟؟؟
عقل ايمي : مش ده المهم المهم انه ازاى هيوصلك بكره والبنات
هيقولوا عليكى ايه ؟؟ظ
ايمي : يا خراشي صحيح انا بكره لازم ازوغ منه
عقل ايمي : وهتزوغى منه ازاى يا فالحه ؟؟؟؟؟
ايمي : هخرج من باب المدرسات اللى ورا وبكده هو مش هيشوفنى
وانا خارجه ؟؟؟
عقل ايمي : مش هيوافق الحارس انك ترجي منه
ايمي : بكره يحلها الف حلال بس ياترى عايزنى فيه انا هتصل باحمد
واساله
عقل ايمي : لالا مش هو قايلك انه مش قايل لحد هترجيه ليه اعرفي
الاول وبعدين ابقي اسالى احمد
ايمي : عندك حق بكره هتصل بيه واعرف هو كان عايز يقلي ايه
فى اليوم التالى مر اليوم كيوم عادى جدا هى طول اليوم فى الفصل
وفى الفسحه مع البنات وفى نهايه اليوم حاولت الخروج من الباب
الخاص بالمدرسات ولكن الحارس وقف لها بالمرصاد ولم يوافق ابدا
واضطريت ان تنتظر فى المدرسه الى ان يخرج منها اخر واحده
وخرجت ووجدت طارق فى انتظارها
طارق : ايه اللى اخرك ده كله انا قلت اكيد طلعتى ومش شوفتك
ايمى : معلش اصلي مكنتش عايزه حد يشوفنى وانتى مروحنى
طارق : ليه يا بنتى الكل عارف اننا متربيين سوا وكنا بنروح
سوا زمان ؟؟؟
ايمي : لا بس دلوقتى الوضع اتغير وانا كبرت وكمان البنات ما بيصدقوا
يتكلموا على اى حاجه والسلام المهم يالا نمشي علشان متاخرش
وقلي بقي كنت عايزنى فى ايه ؟؟؟؟
طارق : بصراحه مش عارف اقولك ايه بس انا مفتقدك جدا ونفسي
نرجع زى زمان نتكلم مع بعض وحاسس انك بعدتى قوى عننا وده
مضايقنى جدا وكمان دلوقتى من ساعه ما عزلتوا حاسس انى مش بقيت بشوفك
خالص وفى المدرسه فى الفسحه مش بنعرف نكلمك خالص وفى التليفون
مش عارف اكلمك وانتى مش بتتصلي تقريبا خالص
ايمي : مانت عارف انى برجع اخلص الواجب اللى على وبعدين المذاكره
واتفرج على المسلسل بتاع الساعه 8 وبنام بعد العشا فتلاقي اليوم
بيعدى بسرعه مش اكتر وكمان انت بتروح تتغدى وتنام وعقبال ما تصحي
وتبدأ مذاكره بكون انا نمت علشان كده مش بحب اضايقك
طارق : مانتى بتكلمى احمد اهه يا ستى مش اشكال ابقي صحينى من
النوم وكلمينى وانا مش عندى مشكله
ايمي : طيب ان شاء الله هبقي اتصل بيك وابقي اسأل عليك
طارق : اما نشوف
بس طارق كان عنده كلام تانى طارق حاسس ان ايمي لما بعدت عنهم
بقي منجذب ليها اكتر بقي عايز يشوفها ويرجع يكلمها زى زمان بس
هى منعاهم يكلموها فى المدرسه وهى مش بتتصل بيه نهائي وهو خايف
يتصل بيها تحرجه وخايف ليقول على كل اللى جواه ليها فين ايام
زمان ايام ماكان عادى وكنا مع بعض طول الوقت وكانت بتتصل بينا
قبل وتضحك معانا وحشتنى قوى ضحكتها أد ايه كانت جميله
ايمي : طب يالا اطلع سلم على ماما واتغدى معانا
طارق : لا انا هروح علشان متاخرش
ايمي : يعنى جيت لحد هنا وفى الاخر هتروح طب اطلع سلم وبعدين
روح بلاش تتغدى
طارق : طيب هسلم وبس
طلع طارق وسلم على ام ايمي وقالها ابقي تعالي يا طنط بقالك فتره مش
بتيجوا عندنا وحشتونا والله وردت عليه وقالته وانتم كمان والله خلاص
هبقي اتصل بماما واشوف هينفع نجيلكم امتى ثم انتوا كمان بقيتوا مش
بتيجوا من ساعه ما نقلنا ماما جت مره واحده بس
وقالها هبقي اقولها وسلم عليها ومشي
أم ايمي: اتاخرتى ليه كده انا كنت هالبس واجيلك على المدرسه
ايمي : ابدا زى مانتى شايفه طارق وقفنى وقعد يحكى معايا وكان
زعلان اننا مش بنكلمهم ولا بنروحلهم
أم ايمي : طب وانتى مش بتشوفيه فى المدرسه؟؟
ايمي : لا اصل انا منعاه انه يكلمنى فى المدرسه نهائي هو واحمد
وباقي الولاد
أم ايمى : ليه منعاه يكلمك
ايمي : انتى عارفه بقي عقول البنات صغيره وبتفكر فى حاجات ملهاش
لزمه
وهنا قلب ام ايمي وقع فى رجلها وقالت فى نفسها انا مكنتش اخده
بالى من الموضوع ده نهائي العيال متربين سوا بس احنا فى منطقه
صغيره ومحدش بيفكر فى الموضوع ده البنت والاولاد فى فتره المراهقه
المبكره ولازم ابقي اخد بالي بعد كده هو انا مربياها كويس ومدياها
مساحه من الحريه بس لازم ابدأ افهمها الموضوع ده بس ازاى ؟؟؟ لما
يجي ابوب ايمى هبقى اتكلم معاه فى الموضوع ده ونشوف هنعالج الموضوع
ده ازاى ؟؟؟؟؟
ايمي : ماما ... ماما عملتى الاكل ... ماما انتى سرحتى
في ايه ؟؟؟؟؟
أم ايمي : لا يا حبيبتى الاكل جاهز ثوانى احط الاكل اخواتك هيموتوا
من الجوع وبعد كده مش تتاخري وتطلعي اول واحده من المدرسه
البنات المؤدبه بتعمل كده
اكلت ايمى وعملت الواجب وهى بتذاكر اتصلت بها شيماء وترردت ايمى
ان تقول لها ما دار بينها وبين طارق ولكنها حكتلها
شيما ء : انتى عارفه انا متاكده ان طارق بيحبك
ايمي : بيحبنى ايه بس يا بنتى احنا لسه صغيرين على الكلام ده
شيماء : اراهنك على لوليتا وانتى على كونو لو كلامى صح تجبيلي
كونو ولو كلامك صح انا اجبلك لوليتا اتفقنا ؟؟؟؟
ايمي : طيب يا ستى اما نشوف
شيماء طب انتى هتتصلي بيه ولا ايه
ايمى : فكرتينى اتصل بيه علشان مش يزعل
شيماء : طب كلمينى بعد ما تكلميه
ايمي : ليه ؟؟؟
شيماء : علشان اعرف قالك ايه وقلتيله ايه ؟؟؟
ايمي : انتى هبله والله انا مش في دماغي حاجه من الكلام الفاضي ده
ومش هتصل بيكى
شيماء : هتصل انا بقي لو مش اتصلتى يالا اقفلي بقي سلام
ايمان تقفل مع شيماء وتتصل بطارق
ايمى : ازيك يا طنط عامله ايه ؟؟ وطارق اخباره ايه
أم طارق : انا كويسه وطارق اهه هيكلمك
طارق : ازيك يا ايمى اخبارك ايه
ايمي : اهه اتصلت علشان بس تقول انى مش بتصل المهم انت طمنى
انت وصلت لفين فى ماده كذا وحليت الاختبارات بتاعه كذا طيب
ممتاز انا برضه عملت كده بس فاضلي احل ماده كذا واكون ماشيه مع
المنهج انت عارف محدش من البنات زمايلي بكلمهم على مذكرتى لحسن
دول عيونهم الله ينور هههههههههههههه
طارق : والله انا بكره البنات زميلك دول اخدوكى مننا ومش عارفين
لا نكلمك ولا حاجه ده غير بقي ان البنت اللى اسمها رشا دى
غلسه وخدى بالك منها كويس لو تقدرى تبعدى عنها يبقي ياريت
ايمي : رشا ليه دى بنت عسوله
طارق : لا دى بنت مش كويسه ومش هاقول اكتر من كده ابعدى عنها
او قللي من كلامك معاها
ايمي : طب افهم ليه ؟؟؟
طارق : هبقي اقولك بعدين مش دلوقتى المهم عايزه تكلم مامتك
ايمي : طيب ثوانى اناديها بس مش هسيبك الا لما اعرف
طارق :هبقي اقولك بعدين ماما معاكى اهه
ايمى: ماما معاكى اهه يا طنط
وبعد ساعه كده اتصلت شيماء لتعرف ما حدث وايمى لم ترد ان
تقول لها على موضوع رشا الا لما تعرف ليه بالضبط ولكنها ستفعل
بنصيحه طارق وتبعد عن رشا
وفى اليوم التالى حدث شئ عجيب جدا جدا وغير متوقع
هاقولكم عليه بكره ان شاء الله
استنوا الحلقة التانية
السبت أبريل 30, 2011 5:25 pm
